Firfletta er eit enkeltpersonsforetak som held til i Bø i Telemark. Den gamle teknikken firfletting blir fornya i moderne fargerike produkt. Desse har inspirasjon frå noko gammalt, men formgjevinga er ny.
Torhild Aavik lærte seg å firflette i år 2000. Her er ein video med Torhild Aavik om firflettingsteknikken. I dag er det så få som kan firflette at teknikken er raudlista av Norges Husflidslag. Ei side ved bedrifta er å halde kurs i teknikken.
I det gamle bondesamfunnet var denne type tekstilar ein del av husbunaden som dei tok fram når det var fest i heimen. Julehandkledet var heilt kvitt eller brodert og hadde eit flatemønster i den eine tverrenden. I ledige stunder kunne ungjentene og kvinnene på garden lære seg å firflette. Og kunnskapen gjekk vidare frå generasjon til generasjon. Dette er ein gamal film frå arkivet til Norsk folkemuseum. Det var kjære tekstiler å ha på kistebotnen og dei gjekk i arv på garden.
Kontaktinformasjon:
(epost) torhild.aavik@firfletta.no
(mobil) 482 21 956
(adresser) Øvre Borgvin 12A eller 18, 3801 BØ I TELEMARK
